تبلیغات
وطنیم ایران.آنا یوردوم آذربایجان - " یاشا آذربایجان "
 
درباره وبلاگ




مدیر وبلاگ : میلاد عبدی
نویسندگان
صفحات جانبی
نظرسنجی
به نظر شما وضعیت موران در 4 سال آینده چگونه خواهد شد؟






آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
وطنیم ایران.آنا یوردوم آذربایجان
صفحه نخست             تماس با مدیر           پست الکترونیک               RSS                  ATOM
شنبه 5 فروردین 1391 :: نویسنده : میلاد عبدی

" یاشا آذربایجان "

    جـــانیمیـــزلا بـاغلئییــــق

     بـو تـوپــراغـــا بــو ائلــه

    سـیرالانیـــب داغ کیمـــی     گلیــن وئــره ک ال الـــه

    گـل باجیم گل قارداشیـــم     بیراولاق یومروق اولاق

    سینه سی داغلانماسیـن     بولونمه سین بو توپراق

 

یاشا یاشا یاشا منیم خالقیم

 یاشا یاشا یاشا آذربایجــــان
 

 

      اولســـه یــادا اییــلمـــز        دوشســه دارا چتینـه

      بــو وقــارلی خالقیمین         قـوربـانـام غیرتینـــــه

   تورکون قولو بوکولــمـز         تورکون بئلی اییلمـــز

   بیـــر کره قالخان بایراق        بیـر داهــــا یئره انمـز

 

  یاشا یاشا یاشا منیم خالقیم

 یاشا یاشا یاشا آذربایجــــان

عشقیم قوشی...

بو پلملی گونلرده كی گویلرده وفا یوخ

عشقیم قوشی بیلمم نیه بیردن هاوالاندی

چیرپیندی اورك ایچره حصارین داشا چالدی

شاید ده منیم فكریم الیندن قووالاندی

 

عشقیم قوشی سن تازه قاناد آچماقی بیلدون

قورخوم بودی گویلرده ویرالار سنی بیردن

قوزقون ایاق آلتیندا قالارسان دویولرسن

قال گئتمه یامان درده سالالار منی بیردن

 

عشقیم قوشی گویلرده گوررسن یاری من سیز

اغیاریله خوش مشربی وار غمله دولارسان

گل كونلومه عشقیم او وفاسیزلاری گورمه

ناز پرلرووی بو یالان احساسه یولارسان

 

گل گیر  یوواوا قوی سنه لای لای اوخیوم من

بو منزل ویران سنه باغدان خوش اولار می

كونلومده سنی نازیله آرام ائده رم من

باغلاردا سنون حسووه دائم داش اولار می...

شعر -آی گوزل قیز

آی گوزل قیز

پارلاق اولدوز

سنی سئودیم گئچمیش لرده

اما حیف ، یوز مین افسوس

آلینمادی منیم عشقیم

قاشون قارا

گوزون قارا

توکولوبدی شانه لره

ساچون قارا

تئلون قارا

قاش کاماندی

کپریک اوخدو

گوزلروون تایی یوخدو

آیریلیغا چاره یوخدو

آیریلیق کونلومو سیخدی

قلبیمی یاندریب یاخدی

اما حیف ، یوز مین افسوس

آلینمادی عشقیم منیم

لبون شیرین قند کیمی دی

ئوپوشلرون بال کیمی دی

منیم ساچیم قار کیمی دی

سن نیم کئچیپ قوجالمیشام

چوخ آلچالیپ اوجامیشام

اما حیف یوز مین افسوس

آلینمادی عشیم منیم

بیر گؤزل شعر

گوزلرین آچ بیر گئجه تا من گوروم میخانه نی
 

دونیانی ترک ایلییپ من دولدوروم پیمانه نی
 

بی وفا اولسا نیگاری بیر کسین بیچاره دیر
 

بولبولون حالین دوشونمز گول، دئمه افسانه نی

 
اوت توتار عشقین یولوندا جان ورر بیچاره شمع

 
اما عاشیق سویلیرهر کیم گوره پروانه نی

 
قانلی کونلوم گوزلییر یول تا سنه قوربان اولا

 
گل بو هیجراندان خراب ائتمه داها کاشانه نی

 
هر کونول الدن وره یارین او بیر ویرانه دیر

 
بیر نظریار ائلسه آباد ائدر ویرانه نی

 
گر منی چکسن دارا اولدورسن الدن توتمارام

 
اولدور نده اوپ محبتدن دل دیوانه نی

 
عاشیقه بیر گون دئدیم ترک ائله او یاری ، دئدی

 
 بیلمیسن عشق آتشی له یاندیریپ غمخانه نی؟

 

هامینی ترک ائلرم هر کیمسه واردیر دونیادا

 
اما من ترک ائدمرم او ساقی دوردانه نی

 
سنده گل ترک ائله مسجید تا گئدخ میخانه یه

 
توبه ائد ،سن محرم اول اوپ دیلبر جانانه نی

 
سونرا گل با هم "وفا" جاندان اولاخ قوربان اونا

 
آغلایاخ شاید اشیدسین گریه ی مستانه نی

عاشیقم من عاشیقم ای دلی دیلدار سنه

زشت و زیبا (( یاخشی پیس )) ” آتداکی گوزل شعرین آدیدی که بیزیم ایفتخارلی شاعیریمیز آقای حسین کریمی شیرین و ظریف دیلینن بیان ائدیب . بو شعرین اول مصرع لری ظاهیرده خلاف فکرلری یادا گتیریر، اما ایکینجی مصرع لری شعرین مفهومون دئوندررکن شاعرین ذوقون و هنرین عاشقانه زمینه سینده گوستریر

عاشیقم

عاشیقم من عاشیقم ای دلی دیلدار سنه

 

وئرمیشم طاقتیمی صبریمی ای یار سنه

سئویرم بزم اولا خلوت قویاسان من ائلییم

غمیمی محنتیمی دردیمی ایظهار سنه

گزرم کوچه و بازاری دالین جان سوخارام

پیچاغی قارنینا هر کس ائده آزار سنه

ایستی وقتینده سویونسان سالارام  تئز ایچینه

کاسه نین بوز وئره رم شربت گلنار سنه

نیه اوجوندا سیخیرسان ، ازیسن ، سیندیریسان

نئیله ییب  آخ بو یازیخ قلب وفادار سنه

سن ییخیل بالش ناز اوسته اوزان منده چالیم

ضرب و قارمان و کمانچه ، ویولن ، تار سنه

ایمه ،  شاخ  ساخلا  یانوندا ، باخوب ، اوپ  قوی  گؤزونه

بو گوزل عکسی کی  مندن قالیر آثار  سنه

دوگمه سین آچ آرالا ،  ساخلا  قویوم اورتاسینا

آلمیشام ساک  دولوسی  ،  حیوا  ،  لیمو  ،  نار سنه

نییه « ویه ویه » دییسن اینجیدیری قوی چیخادیم

سیخسا باشماغ ایاقون اولسا اگر دار سنه

دؤز بیر آز بندین آچیم تا وئریم الان الیوه

چتریوی وئرمیه زحمت ،  بو  یاغیش قار سنه

گله سن باغدا وئرم  بیر الیوه اویناداسان

قیرمیزی آلما ،  شمامه  گولی بی خار  سنه

گل اوتی دیممه دانیشما نئجه توتسان گئچه جک

دئمه خاطیر قویاجاخ چرخ جفاکار سنه

گل اوتی قوزا قیچین گیدیریم ای یار عزیز

قره دون آبی بولوز قیرمیزی شالوار سنه

احتراماً دایارام آغزینا  تا  سن سوراسان

سولی  قلیانی ،  تا کریمی  دئیه  اشعار سنه

استاد کریمی مراغه ای(ماراغانین طنز دئین شاعیری)

 




نوع مطلب : آذربایجان، مناظر دیدنی اردبیل، مناظر دیدنی تبریز، مناظر دیدنی وزیبای بخش موران، مناظر دیدنی گرمی، شاعران و مدیحه سرای ترک، 
برچسب ها : شعر، شعر ترکی، موران، موران زهرا،